Paglubong kang Bragas gibaha'g tawo

Hulagway iya ni Cheche Diabordo/KAMM Media Network Davao
Hulagway iya ni Cheche Diabordo/KAMM Media Network Davao

SUBLING mibanaw ang mga luha sa pagbangutan sa pamilya ug kahigalaan ni Architect Vlanche Marie Bragas sa paghatud sa katapusang pahulayan niini didto sa Calinan Memorial Park kagahapong adlawa, Biyernes, Mayo 26, 2023.

Sa simbahan pa lang sa Sacred Heart Parish of Calinan, halos di na masudlan sa kadaghan sa mga mitambong sa Misa ug mihatud batan-ong architect didto sa sementeryo.

Ang Misa gipangunahan ni Fr. Bong Dublan kinsa paryente sa biktima diin nanawagan sab kini nga tandugon sa Diyos ang mga tawo nga maoy mamahimong dalan sa pag-ila sa suspetsado.

Si Bragas gipatay sa wala pa mailhing suspek diin ang patay nga lawas niini napalgan sa sagingan sa Dacudao, Calinan, Davao City niadtong Mayo 17, 2023.

Ning kasamtangan, ang pamilyang Bragas padayon nga nanghinaut sa hustisya sa pag-ila ug sa pagdakop sa suspek.

Una nang giingon sa Police Regional Office (PRO) Davao nga duna na sila'y lima ka mga ginatan-aw nga mga persons of interest may kalambigitan sa krimen.

Kini ang gibutyag ni PRO-Davao spokesperson Atty. Lt.Col. Eudisan Gultiano atol sa miaging AFP-PNP Press Conference nga naa nay mga posibleng suspek nga ginasubay ang kapulisan, apan dili pa nila matumbok sa publiko sanglit nagpadayon ang ilang gihimong makuti nga imbestigasyon labot sa krimen.

Base sa resulta sa otopsiya, positibong napanamastamasan ang biktima ug gipatay pinaagi sa pagtuok.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph