MIBAHAD ang Department of Agriculture (DA) Davao Region ngadto sa publiko ilabi na ang ilang mga kliyente, supplier, ug service providers batok sa mga naggamit og peke nga mga dokumento aron nga makalusot sa mga patakan ug interbensiyon sa ilang buhatan.
Ang DA Davao Region nga gipangulohan ni Sailila Abdula, ang officer-in-charge regional executive director, nitambag sa ilang mga kliyente nga magmatngon ug mokontak sa ilang Bids and Awards Committee (BAC) aron nga di mailad sa mga nagpakaaron-ingnon nga mga indibiduwal o grupo.
Ang pagduol ngadto sa BAC gitumong aron nga magiyahan ug matudloan og maayo sa saktong proseso sa mga transaksiyon sa ahensiya aron nga di mailad sa mga bugos nga mga indibiduwal o grupo.
Mahimo usab nga mokontak ang publiko sa mga hotline numbers sa ahensiya 083-228-3411 o 0998-570-0988 o mag-email sa ored@rfo12.da.gov.ph kon adunay mga pangutana o pagduda bahin sa mga dokumento sa transaksiyon.