Gipanglantawan nga mag-abot ang dalan sa projected number 1 ug 2 overall pick atol sa Summer League sa Sacramento.
Ang San Antonio Spurs, kinsa maoy naghupot sa No. 1 pick sa Hunyo 23 nga NBA draft ug klaro na nga mopili sa French phenom nga si Victor Wembanyama, usa sa unom ka mga team nga magduwa sa Sacramento sa California Classic, usa sa gamay nga mga liga sa summer nga nag-una diin tanang NBA teams moapil sa Summer League Las Vegas.
Apil usab sa California Classic: ang Charlotte Hornets, kinsa naghupot sa No. 2 draft pick.
“This event is the perfect kick-off to the NBA Summer League, giving fans the opportunity to watch the next generation of basketball talent and enjoy a world-class entertainment experience,” matod pa ni Vivek Ranadivé, tag-iya sa Kings.
Ang kalihukan sa Sacramento magsugod sa Hulyo 4, o upat ka adlaw sa dili pa sugdan ang Summer League sa Las Vegas nga apilan sa tanang mga NBA team.
Ang Spurs ug Hornets moabli sa ilang mga eskedyul sa Sacramento batok sa usa’g usa, nga nagpasabot nga ang No. 1 ug No. 2 picks sa draft mahimong mag-atubang sa ilang summer league opener ug dili sa Las Vegas.
Ang San Antonio makigsangka sa Charlotte sa Sacramento karong Hulyo 4, uban sa ubang mga sangka nga langkuban sa Miami batok sa Los Angeles Lakers ug Golden State nga makigsangka sa Kings.
Sa Hulyo 6, ang Golden State moduwa sa Charlotte, ang San Antonio moduwa sa Lakers ug ang Miami makigbatok sa Sacramento.
Ang NBA Summer League sa Las Vegas magsugod sa Hulyo 8. (PAC, AP)