Ang Monetary Board (MB) sa Bangko Sentral ng Pilipinas (BSP) nagdili sa Rural Bank of San Juan (Southern Leyte) Inc. sa pagnegusyo sa Pilipinas subay sa MB Resolution 662.B nga pinetsahan og Mayo 25, 2023.
Gimandoan dayon sa MB ang Philippine Deposit Insurance Corporation (PDIC) nga ipadayon ang pagkuha ug pag-liquidate sa banko.
Gikuha sa PDIC ang banko kaniadtong Mayo 29, 2023.
Ang Rural Bank of San Juan (Southern Leyte) Inc. usa ka single-unit rural bank nga nahimutang sa San Jose Poblacion, San Juan, Southern Leyte.
Ang labing ulahing available records nagpakita nga sa Septiyembre 30, 2021, ang Rural Bank of San Juan (Southern Leyte) Inc. adunay 1,007 ka deposit accounts nga adunay total deposit liabilities nga P37.0 million, diin 56.20 percent o P20.8 million ang insured deposits.
Ang PDIC nipasalig sa mga depositor nga ang tanang valid deposits ug claims mabayran hangtod sa maximum deposit insurance coverage nga P500,000 matag depositor.
Kinahanglan nga mag-file sa deposit insurance claims ang indibiduwal nga mga tag-iya sa account nga may balido nga deposito nga may balanse nga P100,000 paubos, nga walay outstanding obligations o wala nag-co-makers of obligations sa Rural Bank of San Juan (Southern Leyte) Inc.
Kini nga mga indibidwal nga mga depositor kinahanglan nga masiguro nga sila adunay kompleto ug updated nga mga address sa banko. (PR, SunStar Philippines)