Si Local Government Secretary Benhur Abalos Jr. niingon nga mopagawas siya og kamanduan alang sa pagpahigayon og random ug surprise drug test sa mga ahensya nga ubos sa Department of the Interior and Local Government (DILG), lakip na ang mga local government unit (LGUs).
Si Abalos niingon nga subay kini sa kampanya sa gobiyerno batok sa ilegal nga drugas ingon man pagsiguro nga drug-free ang mga ahensya sa gobiyerno, ilabi na kadtong ubos sa DILG.
Ang mga ahensya ubos sa DILG mao ang Philippine National Police (PNP), Bureau of Fire Protection (BFP), Bureau of Jail Management and Penology (BJMP), National Police Commission (Napolcom), Local Government Academy, National Commission on Muslim Filipinos, Philippine Commission on Women, National Youth Commission ug Philippine Public Safety College.
Hinuon gipasalig niya nga ang mga magpositibo sa paggamit sa ilegal nga drugas ipaubos sa due process.
Giawhag usab ni Abalos ang mga pribadong kompaniya nga mopahigayon usab og random ug unannounced drug testing sa ilang mga empleyado.
“’Yung mga private na talagang kami na rin ang humingi ng tulong, baka pupuwedeng mga private companies magkaroon din sila ng sarili nilang drug policy,” matod niya.
“It’s up to them, it could be reprimand, it could be suspension, it could be dismissal from service pero one thing is important, may drug policy sila like a random drug testing. Makakatulong ng husto ito dahil kung alam mo ititest ka, talagang iiwas ka rito,” dugang niya. (TPM sa SunStar Philippines)