Napilde ang Miami Heat sa Denver Nuggets sa ilang game 1 sa NBA Finals 104-93 apan dili na kini bag-o alang sa team ni Filipino-American head coach Eric Spoelstra.
Sa tulo ka mga NBA championship sa Heat, sila pulos napilde sa game 1 sa best-of-seven-series apan dihang sila nidaog sa unang duwa, napakyas na hinuon sila sa pagsakmit sa Larry O’Brien trophy.
Sa 2006 NBA Finals,ang Miami nga gipangulohan niadtong panahona ni Dwyane Wade, napildi sa unang duha ka mga duwa sa Dallas Mavericks ug sila nahigmata human sa Game Two. Ilang nasayran nga ang siyudad nagplano na alang sa championship parade apan ang Heat nibaraw niini ug nidaog sa sunod nga upat ka mga duwa.
Niadtong 2012, napildi ang Miami sa Game One sa Oklahoma City og 11 puntos nga sama sa margin niadtong Biyernes ug sama sa 2006 NBA Finals, nidaog sab sila sa upat ka sunodsunod nga mga duwa.
Sa 2013 NBA Finals,ni-rally sab ang Miami human sa usa ka kapildihan sa Game One aron pildihon ang San Antonio Spurs atol sa game 7, ang serye nga gipasiugdahan sa game-tying ug season-saving nga 3-pointer ni Ray Allen sa nahabiling 5.2 segundos sa Game Six.
Ang bugtong napildehan sa Heat sa NBA Finals nahitabo niadtong 2011 diin sila nidaog sa Game 1 ug nakaposte og 2-1 nga bintaha apan nibangon ang Dallas Mavericks nga gipangulohan ni Dirk Nowitzki aron sila pildehon sa best-of-seven-series.
Si Spoelstra, sa iyang bahin, nihulagway nga lisod ang ilang giatubang karon apan kinahanglan silang makahimo og adjustment ug makapatuman sa ilang mga plano aron pagdaog sa game 2.
“That’s what you expect. You don’t expect it to be easy when you get to this final round. This is a great challenge. It’s going to require more. We will get to work and see what we can do better, what we can do harder, what we can do with more effort, what we can do with more focus, etc,” padayag sa Fil-Am coach.
Ang nag-inusarang magduduwa sa Heat nga nakasaksi sa tanang NBA Finals apperance sa ilang team mao si Udonis Haslem kinsa positibo gihapon sa iyang panglantaw nga makabawi ang Heat sa Game Two ug dad-on og balik ang series ngadto sa South Florida.
Ang tanan niyang tulo ka championship rings niabot sa series diin ang Heat napildi sa finals opener ug mahibaw-an ang resulta niini sa game 2 karong Lunes sugod alas 8 sa buntag.
Ang Heat napilde sa game 1 gumikan sa ilang ubos nga percentage sa ilang shooting apil na ang pagtira gikan sa tres apan nipahigayon og mini rally sa fourth quarter aron kitkiton ang 24 puntos nga labaw ngadto na sa 9 puntos sa kapin 4 minutos nga nahabilin sa oras.
Igo ra usab sila nakatira og duha ka free throws sa game 1 nga maoy labing ubos sa mga team nga nakaduwa og 4,359 sa playoff series sa kasaysayan sa NBA.
Ang Heat wala makaabot sa .500 nga marka sa labing unang higayon ug ilang nakab-ot ang paglapas sa .500 mark dul-an usa ka semana sa wala pa ang Pasko sa 2022.
Dili sayon ang dalan nga giagian sa Heat paingon sa NBA Finals sanglit gipilde pa sila sa Atlanta Hawks ug nahatagan og tsansa nga masulod sa top 8 human ilang gipilde ang Chicago Bulls sa laing play-in game.
Sa first round, ilang gipukan ang Minnesota Timberwolves, gisunod pag-ihaw ang New York Knicks sa second round ug diriyot nila mabuhii ang 3-0 nga bintaha batok sa Boston Celtics nga maoy naghatag kanila og yawe paingon sa NBA Finals.
Ang Nuggets, sa ilang bahin, nagtinguha sa paglangkat sa ilang labing una nga championship trophy, kansang team niapil sa NBA 47 katuig na ang nakalabay.
Ang duo nila ni Nikola Jokic ug Jammal Murray maoy gisandigan sa team ni head coach Michael Malone nga makadala kanila sa labing unang kampyonato human sila nakataak sa NBA Finals sa labing unang higayon. (PAC, AP)