Sulod lang sa usa ka buwan, moabot na sa 40 ka mga sakop sa mga rebeldeng New People’s Army (NPA) ang na neutralized sa Armadong Kusog sa Pilipinas sa Visayas Region.
Sa maong gidaghanon, 17 niini ang nakalas atol sa encounter samtang 23 ang ningbalik sa sabakan sa balaod.
Nakasakmit ang mga sundalo og 54 ka mga armas, 38 niini nakuha human sa mga engkwentro sa matag habig samtang pito ang nakuha sa kabalayan human gitug-an sa mga kanhi NPA ug 9 ang gi- surrender.
Ang labing bag-o nga armed encounter nahitabo niadtong Mayo 28, 2023 sa Barangay Mabini, lungsod sa Catarman, probinsya sa Northern Samar.
Naengkwentro sa 43rd Infantry Battalion ang mga sakop sa Communist Party of the Philippines-New People’s Army Sub-Regional Guerilla Unit (SRGU) ubos sa Sub-Regional Committee Emporium (SRC Emporium) sa Eastern Visayas Regional Party Committee (EVRPC).
Ang engkwentro niresulta sa pagkamatay sa upat ka mga NPA ug pagkasakmit sa upat ka mga armas nga naglangkob sa duha ka M16 rifles nga dunay tulo ka magazines nga puno sa bala niini ug duha ka kalibre .45 nga pistola nga dunay duha ka mga magazine ug bala.
Matod ni Army Lieutenant General Benedict Arevalo, kumander sa Visayas Command, nga ang maong kalampusan resulta sa ilang walay hunong nga kampanya ug commitment sa tinguha nga mahunong na ang local communist armed conflict sa Visayas region.
“Amidst performing our mandate on HADR, still, they were able to address the threat of the CPP-NPA. This is a clear manifestation of how motivated our troops are in ensuring the safety and security of our people in this part of the country,” matod ni Arevalo sa usa ka pamahayag.
Dugang sa Visayas Command (Viscom) nga moabot na sa 564 ka miyembro ug supporter sa Communist Terrorist Group (CTG) ang mi withdraw na sa ilang suporta ug nisaad nga makig-alyanya sa gobiyerno.
Sa maong gidaghanon, 63 niini mga sakop sa Batakang Organo pang Partito (BOP), 157 sakop sa Yunit Militia ug ang 342 mao kadtong naa sa mass organization.
Ang dungan nga pagbiya sa masa kanila moresulta sa paghuyang sa ilang support system ug pagkahugno na unya sa pipila ka political-military structures nga giumol sa mga rebelde sa mga probinsya sa Samar ug Northern Samar.
“The CPP-NPA in the Visayas region has been substantially weakened having incurred devastating losses in their manpower and armed capability, as well as the collapse of their support system from the community. Hence, our focused military operations will go on. There will be no safe place for these terrorists to hide nor a haven for them to rest. We will hunt them down until justice is served for all the atrocities and sufferings that they’ve caused to our country and our people,” dugang ni Arevalo.
Awhag niya sa mga sakop sa NPA sa Visayas region nga nagpabilin pa sa bukid nga mobalik na sa gobiyerno tungod kay dili mohunong ang mga sundalo ug motahan, manginabuhi nga malipayon uban sa ilang pamilya.