NTD-Davao nagpakusog sa kampanya sa sim cards reg

File photo
File photo

GIPAHUGTAN sa National Telecommunication Commission Davao Region (NTD-Davao) ang ilang kampanya aron sa pagdasig sa Dabawenyos nga irehistro ang ilang sim cards human sa sim registration act sa nasud.

“Meron tayong mga booths sa mga malls, may naglagay ng registration area doon, especially sa labas ng sinehan kasi may mga senior citizens doon na nag-request,” tug-an ni Rolando Sampaga, Chief, Enforcement and Operations Division NTC-Davao atol sa press conference sa University of Mindanao, Matina-Campus, Davao City niadtong Hunyo 2, 2023.

Matud niya nga ang mga kompaniya sa telecommunication daling nitubag sa hangyo gikan sa mga senior citizens.

“Kasi libre sila ng sine, and gusto nila pagbaba nila magpaparehistro sila,” pasabot niya.

Gisulti ni Sampaga nga bisan sa tulunghaan, ang information and communication technology (ICT) staff nag-abag sab sa mga tinun-an kinsa nakasinati og kalisud sa pagrehistro sa ilang mga sim cards.

Sukad Mayo 31, 2023, tungod sa lugway sa sim card registration, mga 97,826,871 milyon na nga subscribers ang narehistro - mga 58.22 porsiyento sa kinatibuk-ang telecommunication users sa nasud.

Gisulti sab sa NTC nga ang Dito Telecommunity dunay 14,964,967 subscribers sukad Disyembre 2022 ug mga 6,635,571 sab ang nakarehistro na o 44.34 porsiyento.

Ang Globe duna na karon mga kinatibuk-ang 44,920,849 registered subscribers o 51.78 porsiyento sa 86,746,672 subscribers sa nasud.

Samtang ang Smart dunay kinatibuk-ang 66,304,761 subscribers sa nasud uban ang 46,270,451 nga narehistro nang subscribers o 69.78 porsiyento.

Ang sim card registration gilugwayan sa gobyerno alang sa dugang 90 ka adlaw, o hangtud sa katapusang semana sa Hulyo, nga matapos na unta niadtong Abril 28, 2023. (KSD)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph