Gitino ni Kai Sotto nga bisan sa iyang mga umaabot nga international commitments desidido gihapon kini nga moduwa sa Gilas ug di gyud mobalibad sa tahas nga irepresentar ang Pilipinas.
Ang bigman nagpasalig sa iyang pagsalmot sa 2023 FIBA World Cup nga co-hosted sa Pilipinas uban sa Japan ug Indonesia karong Agosto.
Giklaro ni Sotto ang mga istorya nga di siya moduwa sa national team atol sa guesting sa Power & Play Program.
“First of all, I never said no to representing my country. I’ve been playing for my country ever since I was fourteen years old,” padayag ni Sotto sa teaser nga gipagawas sa programa.
“I don’t think about what other people say about me not wanting to join [Gilas for the World Cup. I’m just focusing on [the present],” dugang niini. “And again, I’ve never said no to playing for my country because that’s been my dream ever since I started playing basketball.”
Bag-ohay lang misalmot si Sotto sa mini-camps sa Utah Jazz ug moadto pud kini sa Las Vegas alang sa umaabot nga NBA Summer League sa Hulyo.
Mipirman napud og contract extension si Sotto sa Japan B.League ubos sa Hiroshima Dragonflies.
Sugdan sa Gilas Pilipinas ang preparasyon alang sa World Cup pinaagi sa tune-up match batok Lithuania karong buwana. (RSC)