Ang Department of Social Welfare and Development (DSWD) nagpalambo pa sa ilang umaabot nga food stamp program nga nagtumong nga dili magsalig kanunay ang mga benepisyaryo sa tabang sa gobiyerno.
Sa usa ka press conference niadtong Sabado, Hunyo 3, 2023, si DSWD Undersecretary Edu Punay niingon nga ang food stamp program naglakip sa kondisyon diin ang mga benepisyaryo gikinahanglan nga maapil sa labor capacity-building.
“We want them to enroll in training programs of Dole (Department of Labor and Employment) and Tesda(Technical Education and Skills Development Authority) so that we can capacitate them to stand on their own,” matod ni Punay.
“While we’re helping them with their food requirements, siguro iyong maitutulong natin na pagkain sa kanila, pambili ng pagkain – gamitin na lang po nilang pamasahe papunta sa Tesda, papunta sa DOLE, paghahanap ng trabaho – iyon po ang target nitong programa na ito so that when they graduate after three or four years mayroon na silang trabaho. They can sustain their livelihood. They can sustain their food requirements. So, iyon po ang ilan sa mga conditionalities po natin sa programang ito,” dason ni Punay.
Giangkon ni Punay nga pipila ka mga benepisyaryo sa hinabang sa gobyerno, sama sa 4Ps (Pantawid Pamilyang Pilipino Program), dili na gustong matangtang sa listahan, bisan pa man nga “graduation” na sila.
Matod niya, ubos sa food stamp program, ang mga benepisyaryo kinahanglang mogawas sa programa human sa tulo ngadto sa upat ka tuig sa higayon nga mogawas na sila sa poverty line.
“Of course, walay forever po ‘di ba kay ayaw nale-left sa forever sa ayuda. Limitado ang mga kahinguhaan sa gobyerno kay gikinahanglan, atong gi-maximize, atong gigamit ang atong mga kahinguhaan aron matabangan ang atong mga kabus nga makalingkawas sa maong linya sa kakabus,” matud niya.
Ang food stamp program o ang “Walang Gutom 2027” nagtumong sa paghatag og electronic benefit transfers nga kargahan sa food credits nga mokabat sa P3,000 aron makapalit og piniling listahan sa mga pagkaon gikan sa DSWD-accredited local retailers.
Gituyo niini nga target ang ubos nga usa ka milyon ka panimalay gikan sa Listahanan 3 nga nahisakop sa food-poor criteria nga gipasabot sa Philippine Statistics Authority (PSA). Sila ang mga pamilya nga di molapas sa P8,000 matag buwan base sa PSA gauge.
Si DSWD Secretary Rex Gatchalian niingon nga ila nang i-pilot test ang food stamp program niini sa ikaduhang bahin sa tuig uban sa tabang sa Asian Development Bank nga mipasalig sa paghatag og $3 milyones. (SunStar Philippines)