Nailhan na sa kapulisan ang gunman sa pagpatay sa komentarista sa radyo sa Oriental Mindoro sa miaging semana.
Sa press conference sa Camp Crame sa Lunes, Hunyo 5, 2023, si Philippine National Police (PNP) Chief General Benjamin Acorda Jr. nagkanayon nga andam na ang kasong murder nga ipasaka batok sa suspek sa pagpatay kang Cresenciano Bunduquin.
“Ready for filing (na ang kaso). Identified na din ang suspec, and we will give its specifics, especially names, if we are able to file a case,” matod niya.
“Ang assessment naman, I was assured by the regional director naman that it is a solid and strong case and fruitful naman ang investigation na ito,” siya nidugang.
Si Bunduquin, 50, usa ka radio host sa dwXR 101.7 Kalahi FM, gipusil sa sayong kaadlawon niadtong Mayo 31 atubangan sa sari-sari store sa dalan C5 sa Barangay Sta. Isabel.
Ang kauban sa gunman, drayber sa motorsiklo, namatay tungod sa samad sa ulo nga iyang naangkon human sila gigukod sa anak sa biktima nga nidasmag sa ilang motorsiklo.
Apan ang gunman nakadagan biniyaan ang pusil. (TPM sa SunStar Philippines)