Nailog sa Miami Heat ang homecourt advantage batok sa Denver Nuggets human sila nakakawat og usa ka daog sa balwarte sa Denver atol sa game 2, 111-108 sa best-of-seven series sa NBA Finals.
Ang Heat ni Filipino-American head coach Eric Spoelstra nipukan sa ilang kontra ka-7 gikan sa 13 ka mga higayon dihang sila gilabwan og 12 puntos sa post season.
Ang ubang NBA teams nidaog lang og kaunom gikan sa 65 ka duwa sa playoffs nga igong rason kon nganong ang Heat anaa karon sa NBA Finals.
“Biggest thing for us, we had the will and we had the belief and we keep finding ways to win,” padayag ni Heat center Bam Adebayo.
Ang Milwaukee, New York ug Boston nga pulos taas og standing sa Heat apil pa ang number 1 ug 2 seed overall gibuntog sa nag-umido nga kainit sa opensa sa Miami ug karon ang katapusang babag mao ang Denver.
Ang Miami ni-rally gikan sa 15 puntos nga deficit aron pildihon ang top-seeded nga Milwaukee sa Game Four ug dayon gikan sa 16 paubos aron daugon ang nag-unang Game Five.
Gikan sa 12 paubos aron modaog sa Game One batok sa New York ug gikan sa 14 paubos sa Game Six, aron pagpalagpot sa Knicks; gipapas ang 13-point deficit sa Game One sa Boston ug dayon ang 12-point deficit aron modaog sa Game Two batok sa Celtics ug karon, 15-point comeback aron modaog sa Game Two sa NBA Finals batok sa Denver.
Ang rally sa Heat niadtong Lunes sa gabii nitakdo sa ikalima nga labing dako sa usa ka dula sa finals sa miaging 25 ka mga tuig.
Gigukod sa Heat ang Nuggets, 50-35, sa nahabiling singko minutos sa ikaduhang kwarter ug ilang gipakaging ang Denver, 76-58, sa nahibiling bahin sa series.
Ang serye karon mobalhin ngadto sa Miami, nga ang duha ka mga team magpraktis sa Huwebes sa dili pa ang Game Three sa Biyernes.
Ang eighth-seeded Heat adunay home-court advantage sa title series batok sa Denver, ang No. 1 seed gikan sa Western Conference.
“We’ve won on the road before.I think we understand what’s at stake,” matod ni Jeff Green, veteran power forward sa Nuggets. “They did what they were supposed to do. They came in here, got a split. Now they’re going home, and I think we have to go in there worried about Game Three,” dugang ni Green.
Ang gibuhat sa Miami usa ka makasaysayanon ug nahimong brand alang sa Heat.
Adunay upat ka mga teams sa miaging 25 ka tuig nga adunay pito ka mga postseason nga daog human nabiyaan og double digits sa usa ka duwa ug kini nahimo sa Golden State sa miaging tuig sa pagpadulong sa titulo sa NBA.
Ang laing tulo ka mga team sa maong listahan mao ang 2011 Heat, ang 2012 Heat ug karon ang 2023 Heat nga ang tanan gi-coach ni Spoelstra. (PAC, AP)