KIDAPAWAN CITY -- Sa 27 ka mga tinun-an sa New Rizal High School sa M'lang, Cotabato Province, 20 niini giingong nagpositibo sa makamatay nga dengue. Kini subay sab sa gihimong denque testing sa mga tinun-an.

Matud ni Regional Health Unit (RHU) Dengue Program Coordinator Minerva Suriaga nga unang nakita sa mga tinun-an ang sintomas sama sa hilanat ug rashes hinungdan nga milihok dayon ang Municipal Health Office.

Usa sa nakitang hinungdan sa RHU sa maong kahimtang mao ang pagpundo og tubig nga wala na gamita ug fishpond duol sa tunghaan.

Hinuon, sumala pa, nga mas ubos karon ang mga kaso sa dengue nga naa na lang sa 46 samtang 64 sa miaging tuig. Apan bisan pa man niini, nabalaka gihapon ang katawhan sa lungsod.

Sa pagkakaron, nagpaalim na ang mga apektadong estudyante apan nagpadayon gihapon ang pagpaniid sa mga hingtungdang ahensiya sa mga estudyante.