Tulo ang nadakpan sa pagpangronda sa Mambaling Police Station sa Cebu City Police Station sa dihang gitubag ang report nga adunay naghantak sa Sityo Tinabangay, Barangay Mambaling, Cebu City.
Niadtong Lunes sa 9:50 sa gabii, Hunyo 5, 2023 ang grupo ni Police Major Jonathan Beethoven Taneo, hepe sa Mambaling Police, nironda sa dapit.
Kini nisangko sa pagkasikop nila ni Roly Lunop Naresma, 23, taga Sityo Buli, Barangay Duljo Fatima, ingon man silang Rowella Agan Carillo, 18; ug Vicente Carbajosa Castillo, 33, pulos mga residente sa nahisgutang dapit.
Matod ni Taneo nga ilang girespondehan ang usa ka sumbong nga gitawag pinaagi sa telepuno nga dunay naghantak apan sa mga nagtapok nga ilang naabtan, kining tulo lang ang nadakpan.
Kasong kalapasan sa Presidential Decree (PD) 1602 kon ilegal nga sugal ang ilang atubangon.