Gitudlo ni Presidente Ferdinand Marcos Jr. niadtong Lunes, Hunyo 5, 2023, si abogado Gilberto Teodoro Jr. ug Dr. Teodoro Herbosa isip mga kalihim sa Department of National Defense (DND) ug Department of Health (DOH), matag usa.
Si Teodoro adunay samang posisyon sa administrasyon ni kanhi Presidente Gloria Macapagal-Arroyo gikan sa 2007 hangtod 2009.
Siya ang labing bata nga nagkupot sa posisyon sa edad nga 43.
Si Teodoro nagsilbi usab sa tulo ka termino nga miyembro sa House of Representatives nga nagrepresentar sa Unang Distrito sa Tarlac.
Siya ang 1989 Philippine Bar examination topnotcher ug nakakuha og Master’s degree in Law gikan sa Harvard University.
“Notably, he was recognized as a Leadership Awardee and Seminar Academic Excellence Awardee during his time at the Air Command and Staff College, Air Education and Training Command Philippine Air Force Command and Staff Course in 2001. In 2003, he attended the Joint and Combined Staff Officers Course, Class Nr 1, JCSC in Camp Aguinaldo, where he was honored as a Leadership Awardee,” matod sa Presidential Communications Office (PCO).
Si Herbosa, sa laing bahin, nagsilbi nga undersecretary sa departamento sa panglawas gikan sa 2010 hangtod 2015, nga nakatampo sa lainlaing mga inisyatibo sama sa Hospital Accreditation Commission, Modernization sa Philippine Orthopedics Center, ug nagpasiugda sa Public-Private Partnerships sa Panglawas.
Naghupot usab siya sa mga posisyon sa kanhi undersecretary ug concurrent director sa DOH-National Capital Regional Office.
Nakahuman siya og medisina sa Unibersidad sa Pilipinas sa Manila human siya nakakuha og bachelor’s degree sa Biology sa UP Diliman.
Naghupot siya og importanteng mga posisyon sama sa executive vice president sa University of the Philippines System, chief Division of Trauma sa Department of Surgery, Philippine General Hospital, chairman sa Board for Physicians for Peace Philippines, ug 3rd vice president sa UP Alumni Association.
Atol sa coronavirus disease pandemic ubos sa administrasyon ni kanhi Presidente Rodrigo Duterte, si Herbosa nagsilbi isip special adviser sa National Task Force Against Covid-19, nga naghatag og giya sa mga eksperto ug nakatampo sa pag-umol sa mga estratehiya sa pagpagaan sa epekto sa virus. (TPM sa SunStar Philippines)