Misaka ang gidaghanon sa mga aksidente sa kadalanan sa Lungsod sa Liloan ning tuiga sud sa unang quarter, itandi sa gidaghanon sa miaging tuig.
Kini maoy gipahibawo ni Police Major Eric Gingoyon, hepe sa Liloan Police Station sa dihang nahinabi sa Superbalita Cebu.
Matod ni Gingoyon nga sa ilang pagsusi sa tanang mga nalambigit sa disgrasya, sagad hinungdan niini mao ang ubos sa ilimnong makahubog ang drayber.
Nagtinguha karon si Gingoyon nga niining ikaduhang quarter karong tuiga mokunhod ang ihap sa mga nalambigit sa disgrasya.
Makig-alayon ang Liloan Police ngadto sa Traffic Division sa maong lungsod sa tuyo nga ilang mapugngan ug aron mokunhod ang nahitabong mga disgrasya sa kadalanan, ilabi na niadtong motorista nga hubog nga nagmaneho.