Ang Tropical Storm “Chedeng” nagpabiling layo sa kayutaan sa Pilipinas apan nagpabilin ang kusog niini samtang naglihok paingon sa amihanan ibabaw sa Philippine Sea, matod sa state weather bureau sa Miyerkules, Hunyo 7, 2023.
Ang sentro sa bagyo nahimutang sa 1,190 kilometro silangan sa habagatan-sidlakang Luzon, nagdala sa kusog nga hangin nga 75 kilometros matag oras (km/h), huros nga hangtod sa 90 km/h sugod sa alas 10 sa buntag sa Miyerkules.
Ang Philippine Atmospheric, Geophysical and Astronomical Services Administration (Pagasa) niingon nga si Chedeng naglihok paingon sa amihanan sa gikusgon nga 10 km/h.
Kusog nga hangin moabot sa mga dapit nga nasulod sa 340 kilometro palibot sa sentro niini.
Way tropical cyclone wind signal nga giisa sugod sa Miyerkules, tungod kay namatikdan sa Pagasa nga ang Chedeng hayan dili direkta nga magdala og kusog nga ulan sa bisan asang bahin sa nasod sa sunod nga tulo hangtod lima ka adlaw.
Gidugang niini hinuon nga bisan kon si Chedeng mahimong mopakusog sa Habagat apan ang tzyming ug kakusog sa monsoon rains sa nasod (ilabi na sa kasadpang bahin) mahimong mausab pa tungod sa pagdepende sa monsoon enhancement sa forecast nga lihok ug kakusog sa bagyo ingon man ang interaksyon niini sa ubang mga sistema sa panahon nga naglibot niini.
Gibanabana nga kini mag-irog sa amihanan-kasadpan o kasadpan amihanan-kasadpan sa Miyerkules hangtod sa Biyernes, sa dili pa moliko sa amihanan o amihanan-sidlakan sa katapusan sa semana.
“Owing to favorable environmental conditions, Chedeng is forecast to intensify in the next three to four days and may be upgraded to severe tropical storm category tonight or tomorrow and into a typhoon on Thursday. Rapid intensification is not ruled out. Peak intensity may be reached by Friday or Saturday,” matod sa Pagasa. (Tungod sa paborableng kahimtang sa kinaiyahan, si Chedeng gibanabana nga mokusog sa mosunod nga tulo ngadto sa upat ka adlaw ug mahimong ma-upgrade ngadto sa severe tropical storm category karong gabii (Miyerkules) o ugma (Huwebes) ug mahimong typhoon. Ang paspas nga pagkusog wala isalikway. Ang peak intensity mahimong mahitabo sa Biyernes o Sabado,” matod sa Pagasa. (LMY)