Andam mobukas ang lalawigan sa Sugbo sa mga pantalan ug airport niini aron makapadayon ang hog raisers ug uban pang pork producers sa pagpanginabuhi taliwa sa hulga sa sakit sa mga baboy.
Kini maoy gipahibalo ni Cebu Governor Gwendolyn Garcia atol sa gihimong press conference ug tigom sa isla sa Camotes sa Hunyo 8, 2023.
Taliwa sa managlahi nga kolor sa gihimong National Zoning and Movement Plan sa African Swine Fever sa Bureau of Animal Industry sa mga lokal nga kagamhanan, ang mga LGU kinahanglan usab mosagop usab sa protocols nga gipatuman sa Lalawigan sa Sugbo sa pagproteher niini sa mga baboy batok sa ASF.
“Cebu is ready to open its ports and airports to all local chief executives...,” matod ni Garcia,” regardless whether they have been colored red or pink for as long as we shall enter into a memorandum of agreement where amongst others our own protocols in protecting our hog industry be adopted as well in the respective government units of the LCE’s.”
Nalakip sa mga protocol o lagda nga gipatuman na sa Probinsya ang estriktong pag monitor sa tanan ug backyard hog raisers, regular nga disinfection ug paglimpyo, paghatag og regular reports ingon man kinahanglan usab nga i-isolate ang mga baboy kon dunay simtomas.
“We have very very simple protocols and it has proven that these protocols have been effective as I said what has happened here in Cebu where there had been no massive deaths, even if I had refused the culling policy of BAI. What has happened here in Cebu has now become an embarrassment for the Bureau of Animal Industry because they cannot answer me,” matod ni Garcia.
SITWASYON
Gipahibawo ni Dr. Mary Rose Vincoy, pangu sa Provincial Veterinary Office (PVO) nga subay sa Hunyo 7, 2023 nga datus sa ilang buhatan, 64 ang natala nga adunay sintomas sa sakit sa baboy lukop Probinsya, diin 23 niini ASF ug 16 ang classical swine fever kun hog cholera.
Samtang sa swine population sa Isla sa Camotes, usa lang ang natala nga namatay sa kinatibuk-an nga 26,199 ka mga baboy niini.
Apan ang namatay nag negatibo sa ASF o ba kaha sa classical swine fever (CSF).
Nalakip sa dunay labing taas nga population sa mga baboy ang San Francisco nga moabot og 11, 551, gisundan sa Poro nga adunay 1,866 ka mga baboy, Tudela nga anaay 446 ug Pilar nga adunay 567.
Subay niini adunay, hiniusa nga panawagan ang upat ka mga mayor sa Isla sa Camotes nga mao ang lungsod sa Pilar, Poro, San Francisco, ug Tudela ngadto kang Leyte Governor Leopoldo Dominico Petilla, ug Ormoc City Mayor Lucy Torres-Gomez, nga buksan ang ilang borders ug kamerkadohan aron matumod ang mga baboy ug uban pang mga produkto, human gisirhan niini ang borders tungod sa hulga sa ASF.
Ang panawagan gikatakda usab nga paluyohan sa League of Municipalities of the Philippines (LMP) Cebu Chapter pinangulohan ni Daanbantayan Mayor Sun Shimura.