'One Town, One Product' gipalig-on; lokal nga produkto molambo

DAVAO. Si Senator Mark Villar sa hamubo nga press conference una kini mitambong sa Mindanao League of Municipalities of the Philippines Convention 2023 sa usa ka dakong hotel sa Lanang Siyudad sa Davao Hunyo 10, 2023. (Jeepy P. Compio)
DAVAO. Si Senator Mark Villar sa hamubo nga press conference una kini mitambong sa Mindanao League of Municipalities of the Philippines Convention 2023 sa usa ka dakong hotel sa Lanang Siyudad sa Davao Hunyo 10, 2023. (Jeepy P. Compio)

ARON nga mas mapalig-on pa ang pagtabang sa mga komunidad sa kabanikanhan sa pagpatubo sa ilang lokal nga ekonomiya pinaagi sa pagkahimong mas market-oriented ug innovative, gipakusgan karon ang One Town, One Product, kun (Otop).

Ang Otop usa ka programa sa Department of Trade and Industry (DTI) nga na-institutionalize aron mapalig-on ang pagpatuman niini sa nasud.

Nagtumong sab kini sa pagpasiugda sa convergence sa mga inisyatiba gikan sa mga local government units (LGUs), national government agencies, ug pribadong sektor sa pagpalambo ug pag-promote sa mga produkto sa Pilipinas para sa export o domestic nga konsumo.

Atol sa hamubo nga press conference ni Senator Mark Villar giingon niini nga ang Otop gi-institutionalize aron mapalig-on gayod ang pagpatuman niini sa Pilipinas.

“Ito po ay para suportahan ‘yong mga local products ng ating mga Micro-, Small and Medium-sized Enterprises (MSMEs),” ingon ni Sen. Villar sa press conference una kini mitambong sa Mindanao League of Municipalities of the Philippines Convention 2023 sa usa ka dakong hotel sa Lanang siyudad sa Davao, Hunyo 10, 2023.

Dugang sa senador, “Meron ng Otop ngayon, pero mas maganda po na mas malakas po ang effect ng program pagbatas na siya,” sa senador kinsa midugang nga ang Otop anaa gihapon kini ubos sa DTI apan gipundohan ubos sa gobyerno.

“Magkakaroon na po siya ng dagdag na pundo, at the same time, syempe, pagbatas na siya mas may focus, mas may weight ‘yong implementation ng project,” suma sa senador.

Subay sa Senate Bill (SB) 1594, nga mao ang Otop Philippines Act of 2023, nga gi-isponsoran ni Villar, misaysay nga, “shall capacitate the MSMEs on product development, initiatives and training, among others.”

“The proposed measure will provide a package of assistance for MSMEs with viable products in order to develop new, innovative and more complex products, with significant improvement in the areas of quality, product development, design, packaging, standards as well as regulatory compliance, marketability, production capability and brand development,” saysay sa Senate of the Philippines, sa press statement.

Ang OTOP unang gilusad niadtong 2002, ug gipalig-on pa kini human gipirmahan ni kanhi Presidente Gloria Macapagal-Arroyo ang Executive Order (EO) No. 176. (Krizzy S. Daugdaug/Jeepy P. Compio)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph