Masaligon si Denver Nuggets star Jamal Murray nga ang kamyunato nga ilang naangkon sa 2022-23 National Basketball Association (NBA) maoy labing una sa daghan pang kalampusan nga ilang makab-ot sa umaabot.
“This is the first of many,” matod ni Murray sa interbyu sa ESPN. “We knew we could do this -- having everybody locked in, knowing that if we do the necessary things on the court nobody can stop us. We proved that.”
Gihimong basihan ni Murray ang ilang nahimo sa bag-uhay lang nahuman nga season hilabi sa kinatibuk-ang playoffs diin sulod lang sa upat ka mga duwa sila nakatilaw og pilde.
“We lost four games the whole postseason, I think that just speaks to how locked in we were. I think we can do it again. We just run it back,” dugang ni Murray.
Mao pa lang kini ang labing unang higayon nga nasulod sa NBA Finals ang Nuggets sa 47 ka mga tuig nilang pagduwa sa liga ug nakuha dayon nila ang kampyunato. (AP)