Kobe Bryant maoy cover sa NBA2K24

Kobe Bryant maoy cover sa NBA2K24

Ang five-time NBA champion ug naila isip usa sa pinakamaayo nga player sa history sa National Basketball Association nga si anhing Kobe Bryant maoy gihimong athlete cover sa sikat nga basketball sports simulation video games nga NBA 2K.

Mao kini ang unique cover ni Bryant sukad sa iyang first appearance sa NBA 2K10.

Lahi sa NBA 2K17 (Legends) ug NBA 2K21 (Mamba Forever), ang NBA 2K24 mo-feature ni Bryant isip nag-inusarang NBA cover athlete for the “Kobe Bryant Edition” ug sa “Black Mamba Edition.

Si Kobe Bryant nidaog og lima ka mga titulo ubos sa Los Angeles Lakers, ang team nga iyang giduwaan sa tibuok 20 ka tuig niini sa NBA.

Nahimo pud nga scoring champion si Bryant. Lakip sa sikat niya nga scoring game mao ang 81-point game niadtong 2006 batok Toronto Raptors ug ang 60-point retirement game batok Utah Jazz niadtong 2016.

Subo lang pamalandungon nga nipanaw si Bryant niadtong 2020 sa usa ka plane crash kuyog niini ang iyang anak nga babaye nga si Gianna Bryant ug laing pito pa ka mga tawo. / RSC

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph