Ang Cebu City Council Committee of Three-South nipahamtang og tulo ka buwan nga pagsuspenso batok kang Apas Barangay Kapitan Virgil Cabigon ug mga opisyal nga sila si Allan Ybañez, Elizabeth Maña, ug Rebecca Flordeliz sa Barangay Apas, dakbayan sa Sugbo kinsa napamatud-ang sad-an sa simple misconduct.
Ang G.R No. 213502 sa Supreme Court nag-ingon nga ang simple misconduct usa ka paglapas sa pipila ka nalatid nga mga lagda sa aksyon, supak sa balaod nga buhat, o pagpabaya nga nahimo sa usa ka publikong opisyal.
Aron mahimong misconduct, ang buhat o mga buhat kinahanglan adunay direktang relasyon sa, ug konektado sa, pagbuhat sa iyang opisyal nga mga katungdanan.
Kini human sa reklamo ni Mathan Jechoniah Serena nga ang mga barangay officials sa Apas sad-an sa administrative offense tungod sa paglapas sa Section 18 sa R.A 9184 kun Government Procurement Reform Act ug Section 3(e) sa R.A 3019 kun Anti-Graft and Corrupt Practices Act tungod sa pagpalit sa usa ka garbage compactor ug usa ka forward dump 1.5 truck nga nagkantidad og P1 .5 milyunes matag usa.
Matod ni Serena, nga ang pagpakita sa mga numero sa makina ug chassis sa Invitation to Bid (ITB) nakalapas sa Section 18 sa R.A 9184, “Reference to Brand Names. – Specifications for the Procurement of Goods shall be based on relevant characteristics and/or performance requirements.Reference to brand names shall not be allowed.” (AML)