GITUBAG sa Northern Davao Electric Cooperative, Inc. (Nordeco) ang pahayag ni Davao del Norte Governor Edwin Jubahib nga nagtawag sa kooperatiba nga “peke”, ug uban pang “sayop ug way basehan" nga mga akusasyon.
Sa pahayag nga gi-post sa Facebook, Hulyo 19, gitawag sa Nordeco ang mga pag-angkon ni Jubahib ug Davao Consumer Movement convenor Ryan Amper nga “false and baseless accusations”.
Niadto lang niaging semana, ang Nordeco, Jubahib, Amper, ug National Electrification Association (NEA) lawyer Omar Mayo nitambong sa pagdungog sa Senado uban ang Committee on Energy, Trade, Commerce and Entrepreneurship niadtong Hulyo 12, 2023.
Usa sa mga pahayag ni Jubahib nga gibato ngadto sa Nordeco mao nga sila “fake cooperative” tungod “they had not conducted any assemblies”.
Isip tubag, gikanayon sa Nordeco nga ang pagtawag kanila og peke usa ka “insult to the father of incumbent president Ferdinand “Bongbong” Marcos Jr.”.
Ang amahan sa kasamtangang presidente, Ferdinand Marcos Sr. nipirma og Presidential Decree 269, nga nag-establisar og kapin 100 electric cooperatives, naglakip sa Nordeco.
Gisulti sab sa Nordeco nga ilang giimbitahan si Jubahib sa ilang mga panagtigum, apan ang rekord nagpakita nga “he failed to participate” sa mga "assemblies".
“Nordeco has been conducting annual general membership assemblies (AGMA) except in 2020, due to the Covid-19 pandemic,” pahayag sa Nordeco.
Gihimakak sab sa kooperatiba ang "daily unscheduled rotational brownouts" nga nahitabo sa mga probinsiya sa Davao del Norte, apil na ang Island Garden of Samal.
Sukwahi sa pahayag ni Jubahib, gikanayon sa Nordeco nga kadtong mga "brownouts are either caused by unforeseen weather conditions, lines dragged by vehicles or vehicles bumped into poles, among others”.
Atol sa pagdungog, si Nordeco’s consumer accounts department manager Marilou Impuesto nagsulti nga “no rotational brownouts happening in Igacos”, ug kini mga “isolated cases”.
Sulti sab sa Nordeco sa usa ka pahayag nga mga brownouts mahimo nga "be attributed" sa padayong National Grid Corporation of the Philippines’ (NGCP) preventive maintenance ug pag-ayo sa mga "generation and transmission facilities, ug transmission facilities and unforeseen interruptions" nga "forces of nature and human interferences”.
Usa sa mga pamahayag nga gitumong sa kooperatiba nitumbok nga “dili tukma” ug dili tinuod nga naa sila'y P3-bilyones nga utang, naa man pero wala kini kaabot sa maong kantidad.
Dugang sa Nordeco nga ang ilang utang nga wala kaabot sa P3-bilyones gikan pa kini sa ilang giingong 'non-payment of MCOs' sa panahon sa pagtunga sa DANECO-NEA ug sa DANECO-CDA niadtong tuig 2012 hangtud 2019.
“While there are accrued liabilities, the amount has not reached P3 billion,” ingon sa Nordeco.
Sumpay sa ilang pamahayag, "The unbundled rates of the power bill of Nordeco are set by the ERC. As the Governor implies, the payment for arrears and liabilities are excluded from the power rates."
Samtang, gipahayag usab ni Jubahib atol sa Senate Hearing nga sa nagbalik-balik nga brownout sa Davao del Norte ug Igacos, mahimong makuhaan niini ang mga oportunidad sa negosyo sa probinsiya, nga mahimong moresulta sa krisis.
Ang Nordeco agig tubag nag-ingon nga base sa ilang mga rekord, 671 ka aplikasyon gikan sa industrial ug commercial nga mga entities ang nag-applied ubos sa Nordeco coverage area niadtong Mayo 2023, usa ka pagtaas gikan sa 471 kaniadtong 2021.
Samtang, gipahayag sa Nordeco nga naglaum sila nga ibutang ang diskurso nga nakaapekto sa Nordeco “be confined to relevant laws and facts and not merely rely on unverified facts and assertions”.
“We expect nothing less from Governor Edwin Jubahib than the standards befitting the public office he holds,” dugang sa pamahayag sa Nordeco.