Nordeco nanalipod sa mga brownouts

GIPAHIBALO sa Northern Davao Electric Cooperative (Nordeco) nga luyo sa mga kabalaka ni Davao del Norte Governor Edwin Jubahib nga ang mga negusyo mohunong sa pag-operate tungod sa kanunay nga pagkabalda nga mosangpot sa krisis sa ekonomiya, mitaas hinuon ang high voltage (industrial/commercial) applications.

Una niini, gipahayag ni Jubahib atol sa Senate hearing ang nagbalik-balik nga brownout sa Davao del Norte ug Island Garden City of Samal.

Subay sa ilang mga rekord, midugang sa 469 ka aplikasyon gikan sa industrial ug commercial nga mga entities ang nag-aplay ubos sa Nordeco coverage area niadtong Mayo 2023 nga anaa na sa 671, usa ka pagtaas gikan kaniadtong 2021.

“This (statistics) proves that Nordeco can meet the power demand of all present and incoming business establishments,” ingon sa Nordeco.

Dugang pa, ang local government units (LGUs)/City sa coverage area sa Nordeco giila sa ilang performance isip most competitive/improved municipal LGUs/city LGUs/provincial LGUs.

Samtang, gipahayag sa Nordeco nga naglaum sila nga ibutang ang diskurso nga nakaapekto sa Nordeco “be confined to relevant laws and facts and not merely rely on unverified facts and assertions”.

Luyo sa bagulbol sa mga konsumante sa Samal Island nga bisan giingon sa Nordeco nga wala nay brownout sa Isla, usa lamang kuno ka isolated cases ang mga kalit nga natigayong power interruptions gumikan suma pa kini sa mga nangaputol nga linya tungod sa kusog nga ulan ug hangin.

"Nevertheless, Nordeco intensified its implementation of Republic Act 11361, or the Anti-Obstruction of Power Lines Act, to minimize, if not avoid, unscheduled power interruptions due to uncleared lines," sa pamahayag.

Sumala sa Nordeco nga gikan niadtong Hunyo 5, 2023 wala na sila nagpatuman og rotational brownout o load curtailment, "To our valued Member-Consumer-Owners: Please be informed that the Northern Davao Electric Cooperative, Inc. (Nordeco) is no longer implementing rotational brownout/load curtailment in the Island Garden City of Samal (Igacos) since 05 June 2023," pamahayag sa Nordeco.

Apan sa ambush interview kang Samal Island Mayor Al David Uy, iyang gikanayon nga naglisod gyud sila kasamtangang sitwasyon sa kuryente sa Isla.

Hinuon, giingon sa Nordeco nga ang tanang modular generator sets niini ug sa Mindoro Grid Corporation ug Igacos Light and Power Company kasamtangang operational na.

"These modular generator sets are enough to supply power distributed by Nordeco to Igacos," sa ilang pamahayag.