Usa ka putol nga lawas sa tawo napalgan sulod sa septic tank sa New Bilibid Prison (NBP) sa Muntinlupa City, matod ni Justice Secretary Jesus Crispin Remulla niadtong Miyerkules, Hulyo 26, 2023.
Matod ni Remulla nga ang lawas iya sa piniriso nga nawala niadtong Hulyo 15.
Matod niya nga adunay “ubang mga ipangbutyag sa mosunod nga mga adlaw,” ingon nga ang pagkamatay sa piniriso mahimong adunay kalabotan sa “so-called killing” sulod sa pasilidad sa wala pa molingkod si Bureau of Corrections (Bucor) Director Gerald Catapang kaniadtong Marso.
Gipulihan ni Catapang si General Gerald Bantag, kinsa nag-atubang na karon og kasong murder tungod sa kamatayon sa beteranong broadcaster sa radyo nga si Percy Lapid ug Jun Villamor, ang piniriso sa NBP nga giingong maoy nagpasiugda sa pagpatay sa naulahi.
Matod ni Remulla nga nagpadayon ang imbestigasyon sa kamatayon sa piniriso nga nakit-an sa septic tank.
“Sketchy pa lahat. Everything is still in the exploratory stage and we’re still trying to find out. Trying to get the bottom of everything,” matod niya.
“Nag-imbestigar sila. Iniimbestigahan namo ang tanan nga panghitabo. I’m expecting a comprehensive report at the end of the day from Director General Catapang,” dugang niya.
Sa buwag nga pakighinabi, ang deputy director for operations sa Bucor nga si Angie Bautista niingon nga na-trace ang lawas pinaagi sa tabang sa K9 units gikan sa Philippine Coast Guard.
Matod niya nga nakadawat sab sila og tip gikan sa laing piniriso nga duna pay mga lawas sa septic tank ug ila na kining gisusi. (TPM sa SunStar Philippines)