Mokabat na sa walo ka mga barangay sa Talisay ang na-drug-cleared human nadeklarar ang Lawaan I sa Huwebes, Hulyo 27, matod ni City Mayor Gerald Anthony ‘Samsam’ Gullas sa iyang Facebook post niadtong Hulyo 27, 2023.

“I was happy to know that Lawaan 1 has been designated as a new drug cleared barangay, bringing our total to eight,” matod ni Gullas.

Iyang gitataw nga malampuson ug epektibo ang ‘Oplan Limpyo Talisay,’ diin nagpahigayon sila og nagkalainlaing mga programa, apil na ang Out-patient Rehab and Aftercare Program tungod kay nakakita sila og mga resulta.

“With these development, our Oplan Limpyo Talisay is proving to be effective,” matod niya.

“It is also because kitang tanan nagtinabangay para molambo atong komunidad,” dugang niya.

Ang unang pito nga drug-cleared naglakip sa Tapul, Camp 4, Jaclupan, Biasong, Maghaway, Candulawan, ug Manipis.

Nanghinaut si Gullas nga ang ubang mga dapit mokooperar ug maningkamot nga madeklarar nga drug-cleared. (GK Marie Dejacto, CNU Intern)