NADAKPAN na sa awtoridad ang 49-anyos nga lalaki kinsa dunay 59 ka ihap sa kasong pagpanghimas ug 12 ka ihap sa kasong qualified sexual assault.
Niadtong Lunes sa buntag, Hulyo 31, 2023, nadakpan ang usa ka Charles (bansagon gitago), usa ka panday, ug residente sa Purok 4, Barangay Eden, Toril, Davao City.
Malampusong nasikpaw ang suspek pinaagi sa usa ka joint operation sa nagkadaiyang yunit sa awtoridad nga gipangunahan sa Eden Police Station sa ilang pagsilbi sa warrant of arrest batok sa suspek.
Gikabutyag nga ang maong suspek gikonsiderang Top 4 Most Wanted Person sa regional level nga nadakpan tungod sa gipakusgan nga Regional Simultaneous Anti-Criminality and Law Enforcement Operation (Sacleo).
Ang nasampit nga daghang ihap sa kaso gi-isyu ni Hon. Zarah Daquila Aguisando-Silvosa, Acting Presiding Judge sa 11th Judicial Region, Branch 33, sa Regional Trial Court (RTC) sa Davao City, pinetsahan 4, 2023.
Gibalhog na ang suspek sa selda sa Eden PNP samtang naghulat sa sunod nga mando sa korte labot sa iyang kaso.