Duterte mibisita kang Marcos sa Malacañang

Nibisita si kanhi Presidente Rodrigo Duterte kang Pre­sidente Ferdinand Marcos Jr. sa Malacañang niadtong Miyerkules sa gabii, Agusto 2, 2023.

Sa usa ka pamahayag, ang Malacañang niingon nga ang duha naghisgot atol sa one-on-one nga miting, sa bag-o lang nga panagkita nila ni Duterte ug Chinese President Xi Jinping sa Beijing , China.

“Aside from discussing Du­terte’s meeting with Xi, the two leaders also talked about other issues. The former President likewise gave some good pieces of advice to President Marcos,” tipik sa pamahayag gikan sa Malacañang.

Ang duha giubanan sa ulahi sa mga miyembro sa Gabinete ni Marcos, lakip si Executive Secretary Lucas Bersamin, Special Assistant to the President Secretary Antonio Lagdameo Jr., National Defense Secretary Gilbert Teodoro, Solicitor General Menardo Guevarra ug Presidential Communications Office Secretary Cheloy Garafil.

Kauban ni Duterte si Senador Christopher Go ug kanhi executive secretary Salvador Medialdea.

Ang panagtagbo nila ni Xi ug Duterte gihimo niadtong Lunes, Hulyo 17, sa Diaoyutai State Guesthouse sa Beijing.

Sa sayo pa, gidawat ni Marcos ang panagtagbo sa kanhi Pre­sidente ug Xi, nga nagpahibalo nga kini mahimong magbukas sa mga bag-ong linya sa komunikasyon tali sa duha ka mga nasod taliwala sa mga isyo sa rehiyon labi na sa naglambigit sa West Philippine Sea.

Apan wala gibutyag sa Mala­cañang ang dugang detalye ba­hin sa gitaho ni Duterte ngad­to kang Marcos. (TPM sa SunStar Philippines)