'Upland farming giduso' alang sa huwaw

Si kanhi Department of Agriculture (DA) Secretary Emmanuel ‘Manny’ Piñol gipasabot niini sa mga media ang upland rice farming luyo sa huwaw ug sa posibleng pag-abot sa krisis sa bugas atol sa press conference kagahapon sa hapon sa usa ka restawran sa Davao City. (Jeepy P. Compio)
Si kanhi Department of Agriculture (DA) Secretary Emmanuel ‘Manny’ Piñol gipasabot niini sa mga media ang upland rice farming luyo sa huwaw ug sa posibleng pag-abot sa krisis sa bugas atol sa press conference kagahapon sa hapon sa usa ka restawran sa Davao City. (Jeepy P. Compio)

ARON matubag ang kakuwang sa suplay sa bugas sa umaabot nga panahon, mas maayong mangandam pinaagi sa pagtanum gamit ang mga high-breed nga mga binhi.

Kini ang unod sa presentasyon sa plano sa usa ka farm ug nursery nga mga high-breed nga mga tanum nga naka-base sa Kidapawan City.

Sumala ni kanhi Department of Agriculture (DA) Secretary Emmanuel "Manny" Piñol nga usa sa mga praktikal nga mga estratiheya mao ang pagtanum og palay.

Kini ang giingon sa kanhi opisyal sa press conference kagahapon, Agosto 3, sa usa ka restawran sa Davao City human nga gi-presenta niini ang desinyo nga iyang nahimo nga dunay titulo nga "Kalahating Ektarya sa Bawat Pamilya" (A Hunger-Mitigation Program Thru Upland Rice Farming).

Giingon ni Piñol nga dili tanang lugar sa Pilipinas ang maigo sa El Niño, apan dunay mga lugar nga pinakamaayong tamnan og upland rice, gamit ang high-breed nga mga binhi.

“Growing for local production is the best option,” ingon ni Piñol diin midugang nga kini ang pinakamaayo nga paagi kaysa moangkat og mga imported rice. “Theres an option, rather than dreaming sa mga imported rice.”

Dugang niini, “We cannot rely foods our neighborhoods supply, we make us, we make our products.”

Niya pa nga daghan pang lugar sa Pilipinas ang maayo alang sa upland farming, bisan tunga sa ektarya, basta naay ma-harvest aron naay makaon ang pamilya.

Mihangyo sab si Piñol nga maayo unta nga mosuporta ang lokal nga gobyerno sa maong proyekto aron nga mapahimuslan gayod kini sa katawhan.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph