Nagkanayon si Nonito “Filipino Flash” Donaire Jr. nga sakit kaayo ang iyang gibati dihang nasayran niya nga nipagawas og panahom ang mismong amahan nga si Donaire Sr. nga ma-knockout batok ni Mexican Alexandro Santiago.
Ning bag-uhay lang, nag-away sila si Donaire ug Santiago alang sa inilugay sa bakanteng World Boxing Council (WBC) bantamweight title.
Sayop ang amahan ni Donaire Jr. gumikan kay wala siya na-knockout ni Santiago apan napilde gihapon siya pinaagi sa unanimous decision.
Si Donaire Jr., 40, nakasinati sa labing una niyang duha ka sunodsunod nga kapildihan ning maong away.
Gigamit ni Donaire Jr. ang iyang Twitter account aron ipahungaw ang iyang gibati kabahin sa panagna sa iyang amahan.
“Wow. Just found out that my DAD was predicting I’d get KO’d by Santiago. That stings differently,” tweet ni Donaire Jr.
“I am breaking generational trauma. If this process has to hurt, I’ll take it to ensure my kids never have to feel what I have felt. Hearing my dad say he’s training guys to beat me and teach me a lesson and predict I’m going to get KO’d just so he can point and laugh is painful.”
Taliwala niini, nagkanayon si Donaire nga kinahanglan niyang magpakalig-on ug nanghinaot siya nga magmalipayon ang iyang amahan.
“But I will lead with my heart open and vulnerable and hold a safe space of growth, love and understanding so my kids and their kids will never have to feel what I’m feeling,” dugang ni Donaire Jr. “Again Dad, I wish you nothing but happiness. I hope you find that so your heart will be at peace.”
Dili kini maoy labing unang higayon nga nagkabangi ang amahan ug anak.
Adunay higayon nga ang amahan ni Donaire Jr. nahimong trainer sa iyang kanhi kontra nga si Reymart Gaballo. / ESL