Pipila ka mga tag-iya sa establisemento nabalaka sa gisugyot nga P100 nga environmental fee alang sa mga turista nga giduso sa Konseho sa Dakbayan sa Lapu-Lapu, tungod sa posibleng negatibong epekto niini sa gagmay nga mga hotel ug lokal nga industriya sa turismo.
Kon mapasar sa konseho ang maong lakang ug ipatuman kini sa Siyudad, mahimong maaghat ang nagkalainlaing grupo sa paghimo og legal nga aksyon.
Lakip sa kabalaka nga gipasupot sa public hearing niadtong Biyernes, Agusto 4, 2023, alang sa sugyot nga balaudnon ni City Councilor Annabeth Cuizon sa pag-charge sa mga turista og “green tax.”
Pipila sa nanambong ningpadayag sa ilang reserbasyon, nagkanayon nga “smaller, cheaper hotels directly out of business.”
Dugang nila nga ang bayad “dili makiangayon sa mga turista” ug gikonsiderar nga responsibilidad sa Dakbayan sa pagpanalipod sa iyang mga residente ug lokal nga pamatigayon.
Dason nila nga minos ang ilang tampo sa mga turista sa polyusyon kon itandi sa unlicensed businesses, ug uban pa
Matod pa, ang maong sugyot nga balaudnon “unconstitutional on several grounds” ug “will ultimately harm the entire tourism industry of Cebu.”
Si Mayor Junard “Ahong” Chan miingon nga ang usa ka bahin sa makolekta nga bayronon mahimong gamiton sa paghimog bag-ong mga dalan nga adunay drainage system ug pagpalapad sa mga dalan sa turismo.
Si City Councilor Joseph Pangatungan niingon nga ang matigom nga kuwarta mahimo usab nga gamiton sa pagbayad sa pag-atiman sa mga atraksyon sa turismo.
Si Cuizon, kinsa maoy nagsulat sa draft ordinance, niingon nga gikinahanglan ang bayronon aron matubag ang kasamtangang mga isyu sa kinaiyahan, nga naglakip sa illegal nga pagpanagat, ang presensya sa fecal coliforms sa pipila ka mga baybayon, mga basura sa mga rota sa turista, coral protection, ug ang pagkawala sa mga suga sa kadalanan sa mga ruta sa turista, ug uban pa. / JJL
Gitumbok sa pipila ka mga nanambong ang insidente sa Boracay diin mokabat sa P1 bilyunes nga kantidad sa environmental fees ang giingong nahanaw.
Sumala sa mga balita niadtong 2018, ang Department of the Interior and Local Government (DILG) nihimo og imbestigasyon sa nahitabo sa P1 bilyon nga nakolekta sa local government unit isip environmental fee sa milabay nga dekada.
Giangkon ni Cuizon nga aduna pay mga pangutana nga kinahanglang hatagan og pagtagad sa dili pa mapatuman ang ordinansa.
Siya niingon nga ang konseho mohatag sa mga stakeholders hangtod sa Agosto 11 sa pag-draft sa ilang mga position paper alang sa konsiderasyon.
“We will examine and take into account all of their proposals, see which are beneficial to them, and make sure that this would not have an impact on the hotel business,” matod niya. (JJL)
