Walo ka mga sakop sa New People’s Army (NPA) ang namatay sa engkwentro tali sa tropa sa kagamhanan sa managlahing dapit sa Kabisay-an, samtang 17 ang nitahan sud sa Hulyo 2023.
Kini ang taho sa Visayas Command (Viscom) nga nagbase sa Sugbo subay sa ilang way hunong nga military operations ug nagpadayon nga gitawag nila nga localized peace agreement.
Dugang sa Viscom, 38 ka mga armas ang nasakmit, 22 niini high powered firearms.
Matod ni Viscom Commander Lt. Gen. Benedict Arevalo, ang target nila karon mao ang military operations ug ang localized engagements nga maoy giila nila nga tinubdan sa ilang kampanya nga mabuntog ang Communist Party of the Philippines (CPP)-NPA sa Visayas region.
Niining paagiha, mohuyang ang manpower ug ang armadong kapasidad nga moresulta na unya sa pagkapukan sa teroristang grupo.
Niadtong Hulyo 16, ang sakop sa 42nd Infantry Battalion nakalusad og operations diin ilang nadiskobre ang usa ka tagoanan sa mga armas sa mga rebelde.
Ilang nasakmit ang upat ka M16 rifles, lima ka mga bala niini, usa ka M79 grenade launcher, usa ka shotgun, tulo ka anti-personnel mines ug nagkalainlaing war materials sa Barangay Boco Can-avid probinsya sa Eastern Samar.
Sa Hulyo 22, duha ka NPA leaders ang na-neutralized ug tulo ka tag-as nga kalibre sa armas ang ilang nakuha sa mga sakop sa 4th Scout Ranger Battalion ug 19th Infantry Battalion atol sa ilang engkwentro sa Barangay Cagbigajo, Pambuhan, Northern Samar.
Ning bag-ohay, Hulyo 29, duha ka NPA ang napatay ug upat ka armas ang nasakmit sa 61st Infantry Battalion atol sa engkwentro sa Barangay Ayabang, Leon, Iloilo.
“Damages to the terrorist group. The continued support of our people coupled with the active collaboration of our local government units and the different government agencies through the Task Force ELCAC, have kept us highly motivated and placed us in a better position to end the local communist armed conflict in the region,” matod ni Arevalo.
Subling nanawagan ang Viscom sa mga naa pa sa habig sa mga terorista nga mobalik na sa sabakan sa gobyerno sanglit andam sila nga motabang nga mahatagan og kahigayonan nga magbag-o alang sa ilang tagsatagsa ka mahal sa kinabuhi.