Alvarez batok Charlo karong Sept. 30

Alvarez
Alvarez

Gianunsyo sa Premier Boxing Champions ning Huwebes, Agusto 10, 2023 (PH time) nga depensaan ni Mexican superstar Canelo Alvarez ang iyang super middleweight undisputed title batok ni American Jermell Charlo sa T-Mobile Arena sa Las Vegas, USA sa sunod buwan.

Ang gikahinamang away nakatakda karong Septiyembre 30, 2023.

Kini maoy ikatulong higa­yon nga depensaan ni Alvarez ang iyang Ring Magazine, World Boxing Council (WBC), World Boxing Association (WBA), International Boxing Federation (IBF) ug World Boxing Organization (WBO) super middlewight titles.

“Canelo Álvarez and Jermell Charlo are fighters who dare to be great every time they enter the ring and have shown that once again by going headfirst into this dream matchup between the two best fighters in their divisions,” matod ni TGB promotions president Tom Brown nga napatik sa www.philboxing.com.

“Canelo is already a surefire Hall of Famer but continues to seek the biggest and best fights for his devoted fans.”

Si Alvarez naggunit og 59-2-2, 39 KOs nga rekord samtang si Charlo naghupot og 35-1-1, 19KOs.

Si Charlo, kinsa maoy undisputed champion sa junior middleweight, niambak og duha ka weight divisions aron mahan-ay kining awaya. / ESL

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph