Nag-post sa social media si LA Tenorio ning bag-uhay lang og mga hulagway sa iyang kaugalingon samtang gipaubos siya sa laing chemotherapy session sa Singapore.
Makita sa mga hulagway ang kadasig ni Tenorio, kinsa na-diagnose og colon cancer pipila na ka mga buwan ang nakalabay nga maoy hinungdan nga sunodsunod nga chemotherapy sessions ang iyang naagian sa Mt. Elizabeth Hospital.
Sa iyang caption, gibutyag sa pambatong pointguard sa Brgy. Ginebra Gin Kings nga hapit na siya makabalik og duwa sa Philippine Basketball Association (PBA).
“PRAY, HOPE and DON’T WORRY. Almost there,” caption ni Tenorio nga adunay emoticon nga nag-ampo.
Nakig-chat si Tenorio sa usa sa iyang mga kauban sa Gin Kings.
“My brother! Can’t wait to have you back,” mensahe ni Jamie Malonzo.
“Thank you brother! Good luck this coming world cup brother! Enjoy every moment. Great experience brother!” tubag ni Tenorio, kinsa usa sa labing maayong pointguards sa kasaysayan sa PBA. / ESL
