RAFI mipasiugda og forum alang sa pagpalambo sa mga bata

Ang saad sa pagtubo ug paglambo sa matag bata usa ka unibersal nga ka­tungod.

Tungod sa hiniusang pasa­lig sa pagpalig-on sa mga pamaagi sa pagpalambo sa pagkabata, ang Asia-Pacific Regional Network for Early Childhood (ARNEC) ug ang Early Childhood Care and Development (ECCD) Council of the Philippines nitapok sa mga propisyonal sa ECCD gikan sa nagkalainlaing mga nasod alang sa usa ka pagkat-on sa pagpalambo sa bata.

Ang forum naghatag og usa ka luna alang sa pagpaambit sa kahibalo ug pagtinabangay sa pagpatugbaw sa mga gawi pagkahuman sa pandemya alang sa pagpalambo sa pagkabata.

Ang tulo ka adlaw nga forum gipahigayon gikan sa Agusto 9 sa hangtod 11, 2023 ug nag-imbitar sa Learning Groups sa Responsive Caregiving and Playful Parenting and Multi-sectoral Approaches to Early Childhood Development (ECD), Institutional Members, uban pang national partners ug national representatives.

Gipasiugda sa mga partisipante ang cross-regional nga kooperasyon sa pagpauswag sa mga pamaagi sa pagpalambo sa pagkabata ug pagtukod og tubag ug kalig-on sa poly-crises sa ECDs aron masiguro ang mas hayag nga kaugmaon sa mga batan-on.

Ang ARNEC ug ECCD Council of the Philippines, nakigtambayayong sa Ramon Aboitiz Foundation Inc., pinaagi sa Dolores Aboitiz Children’s Fund (RAFI DACF), alang sa ilang pagkat-on nga pagbisita sa lainlaing Cebu-based ECD organizations nga adunay talagsaong early childhood development programs.

Ang mga delegado nakahimo sa pag-ila sa talagsaon nga mga praktis ug nakamugna og mga estratehikong solusyon nga mahimong masundog ug makonteksto sa lebel sa ilang tagsa-tagsa ka rehiyon ug nasod.

Naglangkob sa nagkalain­laing ECD focus areas sa edukasyon, panglawas ug nutrisyon, ang mga delegado gihugpong ngadto sa unom ka gagmay nga mga grupo sa pagkat-on aron sa pag-obserbar sa mga interbensyon ug proseso sa ma­tag organi­sasyon.

Lakip niini nga mga organisasyon sa ECD mao ang: Little Bamboo Foundation, Inc., KidsLife Foundation, Inc., Barangay Inayawan, Children’s Paradise Montessori School sa pakigtambayayong sa Nano Nagle Learning Center, ug Arcanys Early Learning Foundation.

Lakip sa mga delegado, si Baela Raza Jamil, representante sa Idara-e-Taleem-o-Aagahi Center for Education and Consciousness gikan sa Pakistan, nahingangha kon giunsa pagpatuman sa KidsLife Foundation ang mga programa niini.

“We saw the very experiential oriented program. The care of the teacher and the assistants and they had a very beautiful program on kitchen gardening. So, it’s the use of small spaces but with a lot of care...,” matod ni Baella.

Samtang, si RAFI DACF Program Head, Jenny Lea Tan Menchavez, nagpadayag sa iyang pagpasalamat sa ARNEC ug sa ECCD Council of the Philippines sa pakigtambayayong sa RAFI DACF.

“Being part of this transforma­tive event has been a privilege that we cherish deeply. The diverse perspectives, insights, and experiences that have been brought to the table enriched every discussion, leaving us inspired and enlightened. We hope that through the learning visits we were able to provide strategies, friendships and valuable takeaways..,” dason niya. / PR