DSWD: 90K ka benepisaryo sa 4Ps sa CV ‘dili na kabos’, gisusi

Dul-an sa 90,000 ka mga benepisyaryo sa Poverty Alleviation Program Pantawid Pamilyang Pilipino Program (4Ps) sa Central Visayas (CV), nga giila nga “non-poor” sa Listahanan 3 o ang standardized targeting system nga gigamit sa prog­rama, subling susihon.

Si Catherine Trapsi, 4Ps case manager sa Department of Social Welfare and Deve­lopment (DSWD 7), niingon atol sa radio program sa ahensya niadtong Dominggo, Agusto 13, nga adunay kinatibuk-ang 87,244 ka 4Ps bene­ficiaries sa rehiyon ang giila nga non-poor o ubos sa lebel 3 nga kategoriya.

“These are the beneficiaries we will double check who identified as non-poor in Listahanan 3, because there are non-poor who are in a poor situation. It is very difficult if they graduate from the program but in reality they should still be in the program,” matod ni Trapsi.

Matod ni Traspi nga naka-assess na sila og labing minos 54,975 ka mga benepisaryo. Kapin sa 30,000 ang gikinahanglan pa aron masusi.

Sa usa ka briefing sa Palasyo niadtong Martes, Agusto 15, 2023, si DSWD Secretary Rex Gatchalian namahayag nga mokabat sa 1.4 milyunes ka benepisaryo sa 4Ps sa tibuok nasod ang i-review sa ilang eli­gibility.

Giangkon ni Gatchalian nga ang 700,000 ka panimalay nga gitangtang sa listahan sa panahon sa epidemiya apan ning ulahi, nihangyo nga ibalik tungod kay sila nawad-an sa ilang mga trabaho tungod sa pandemiya naglangkob sa bahin sa 1.4 milyon.

Ang ubang 700,000 ka pani­malay, sumala sa direktor sa DSWD, wala masusi tungod sa pandemiya.

Si Trapsi nagkanayon nga isip kabahin sa proseso sa reassessment, ang DSWD 7 mogamit sa Social Welfare and Development Indicator (SWDI) tool sa pag-assess ug pagmoni­tor sa lebel sa kahimtang sa pagpuyo sa 4Ps households.

Matod pa niya nga tumong nila nga matuman ang re-assessment karong Agusto 31, 2023.

SWDI

Ang SWDI usa ka assessment tool nga gigamit sa ahensya isip case management tool sa pagdeterminar sa pag-uswag sa mga panimalay, pinaagi sa pagsukod sa ilang lebel sa economic sufficiency ug social adequacy.

Si Trapsi nagkanayon nga adunay 56 ka indicators nga gamiton sa pagdeterminar o pag-categorize sa mga panimalay ubos sa tulo ka lebel: level 1 o ang survival level; le­bel 2 o ang lebel sa subsis­tence; ug level 3 self-sufficient.

Matod sa 4Ps case manager, kadto lang na-categorize ubos sa level one ug two, o kadtong dili pa self-sufficient, ang magpabilin sa programa.

Ang mga benepisaryo nga ma-assess nga “self-sufficient” ipaubos sa 4Ps graduation process ug opisyal nga mogawas sa programa pinaagi sa Pugay-Tagumpay. (KJF)