2 tinun-an nga taga Davao Region sulod sa top 10 sa Medtech Licensure Examination

2 tinun-an nga taga Davao Region sulod sa top 10 sa Medtech Licensure Examination

DUHA ka mga tinun-an nga taga Davao Region nakasulod sa top 10 high-performing examinees atol sa Agosto 2023 Medical Technologists Licensure Examination base sa mga resulta nga gipagawas sa Professional Regulation Commission sa Agosto 17, 2023.

Sila si Jeanne Nicci Cuevas Orcena sa Tagum Doctors’ College (TDC) nahiluna sa Top 5, nakakuha og 92.2 porsiyento, samtang si Leomer Von Torres Paray sa San Pedro College (SPC) nahiluna sa ikawalong puwesto nga nakakuha og 91.9 porsiyento nga rating.

Sila si Orcena ug Paray mao lang ang duha nga Mindanawons kinsa nabutang sa top 18 examinees nga nakakuha sa "top ten highest" nga puwesto.

Si Sidrey Flores sa St. Louis University sa Baguio City nga dunay "rating" nga 93.30 porsiyento nanguna sa medtech exams. Ang unibersidad nga "top-performing school" sab nga dunay passing rate nga 100 porsiyento sa ilang 152 examinees.

Sa pikas bahin, ang University of the Immaculate Conception (UIC) nahiluna sa ika-9 sa top-performing schools atol sa August 2023 licensure examinations, uban ang 177 sa 191 examinees nakapasar, nakakuha og 92.67 porsiyento nga passing rate.

Ubang mga tulunghaan sa Davao City nindot sab ang gihimo sa licensure examinations, naglakip sa University of Mindanao, SPC, Brokenshire College, Davao Doctors College (DDC), ug Mindanao Medical Foundation College (MMFC).

Ang UM nakakuha og 100 porsiyento nga "passing rate" sa ilang unom ka examinees, samtang ang SPC nitali og 84.48 porsiyento passing rate, gisundan sa Brokenshire College sa 25 porsiyento, UIC sa 73.27 porsiyento, DDC sa 45.24 porsiyento, ug MMFC sa 25.86 porsiyento. Nakapasar sab ang nag-inusarang nag-eksam nga taga Davao Medical School Foundation.

Samtang ang TDC dunay passing rate nga 71.43 porsiyento.

Related Stories

No stories found.
SunStar Publishing Inc.
www.sunstar.com.ph