Ang Aboitiz Construction bag-o lang nakigtambayayong sa FAST Logistics Group sa pagdesinyo ug pagtukod og lima ka ambient warehouses, uban sa ancillary ug utility spaces, sa 18,531 sq.m land area sa Consolacion, Cebu.
Usa ka groundbreaking nga seremonya ang gihimo niadtong Agusto 4, 2023, kauban ang developer sa propiyedad nga MVC Development Corp. ug consultant sa pagdumala sa proyekto nga si Hearn & Hearn Consulting.
“This partnership affirms our capability to build large-scale infrastructures and contribute to the success of our clients. Our roots as a company started in Cebu, so we are beyond excited to once again make waves in the province and provide innovative design and construction solutions to our partners,” matod ni Aboitiz Construction Chief Operating Officer Ramez Sidhom.
Gitakda nga mahuman sulod sa napulo ka bulan, ang proyekto mag-hire og kapin sa 200 ka skilled workers sa peak, nga mag-una sa mga lokal nga talento.
Ang proyekto kabahin sa padayon nga pagpalapad sa FAST isip usa sa mga nag-unang logistics ug distribution solutions sa Pilipinas.
Sa iyang mensahe, ang FAST Logistics Group Chief Executive Officer (CEO) Manny Onrejas Jr. gihatagan niya og gibug-aton nga ang proyekto sa konstruksyon usa ka demonstrasyon kon giunsa pagsuporta sa FAST ang kustomer pinaagi sa kalidad nga serbisyo.
Samtang, ang Aboitiz Group miagi sa dakong pagbag-o aron mahimong unang techglomerate sa Pilipinas, ang construction arm mopaila sa value engineering practices nga nagpasiugda sa kalidad ug cost-efficient nga materyales ug teknolohiya sama sa paggamit sa high-strength steel imbes sa conventional steel structure.
Ang Aboitiz Construction nagpalapad sa iyang kahanas sa light industries samtang nagpadayon kini sa pag-uswag sa negosyo ug komunidad.
Sa miaging buwan, gisugdan niini ang bag-ong site development project sa LIMA Estate, ang mauswagong economic estate sa Aboitiz InfraCapital sa Lipa-Malvar, Batangas nga nag-host sa kapin sa 150 ka locators. / PR