Tali sa mga nag-unang brand sa nag-unang digital solutions platform, ang Globe Group mitumaw isip usa sa labing gipili nga brands sa Pilipinas sa laing ulahi nga PAHAYAG 2023–Q2 survey sa PUBLiCUS Asia Inc.

Ang PAHAYAG 2023 Second Quarter Survey, usa ka independente ug non-commissioned nga survey nga gihimo gikan Hunyo 7 hangtod 12, niabot sa 1,500 ka respondents sa tibuok nasod, nga nagre­presentar sa naglainlaing hut-ong ug dapit.

Gipili sila gikan sa usa ka panel sa kapin sa 200,000 ka mga Filipino nga gimintinar sa PureSpectrum, usa ka panel marketplace nga nakabase sa US, ug milukop sa lima ka geographical nga mga dapit: National Capital Region (NCR), North Central Luzon, South Luzon, Visayas, ug Mindanao.

Sa usa ka news release, ang PUBLiCUS nagkanayon nga ang Globe Group’s core telco brand Globe maoy nag-una sa telecommunications services category nga adunay endearment rating nga 65%, nag-una sa kompetisyon nga nakakuha og 61%, samtang ang laing telco player nakakuha og rating nga 16%.

Ang Globe affiliate GCash maoy No. 1 nga finance app sa nasod, migawas isip “the clear leader in the financial services category,” nga adunay dominanteng 80% nga endearment rating, sumala sa PUBLiCUS.

Ang ikaduhang puwesto nakakuha og layo nga 22%, samtang ang misunod nga mga kakompetensya nakakuha og 19% ug 11%, matag usa.

Ang GCash migawas usab isip Most Trusted Financial Service Brand nga adunay 57% nga rating, nga naghari sa mga kakompetensya nga nakadawat og 26%, 24% ug 17%.

“We believe that brand endearment denotes strong customer affinity and brand love. For Globe and GCash to score highest in the Most Endeared Brands in telco and financial services, it’s such a huge win for Globe...” matod ni Ernest Cu, Globe Group President and CEO.

Ang mga nasuta sa PUBLiCUS Asia Inc. mahinungdanon sa emosyonal nga koneksyon ug sentimento sa mga konsumidor sa kalampusan sa mga Filipino nga tatak sa nagkalainlaing industriya.

Gipakita sa mga adunay ranggo ang ilang abilidad sa paghimo og lawom nga relasyon sa mga konsumedor, nakakuha og pagsalig ug pagkamaunongon sa mga kompetisyon nga merkado.

Paspas nga nagkalapad ngadto sa usa ka digital solutions platform, ang Globe naghatag og lainlaing kasinatian alang sa iyang mga kustomer pinaagi sa paghugpong sa iyang connectivity offerings uban sa iyang mga serbisyo sa fintech, healthtech, adtech, e-commerce, edutech, climate tech, investments, ug shared services, ug uban pa. / PR