Human sa praktis sa Gilas Pilipinas niadtong Martes sa gabii, Agusto 22, 2023, ang team management nagpahigayon sa naandan niining halfcourt shooting contest diin ang modaog makadawat og cash prize.
Si Jordan Clarkson, kinsa kanhi Sixth Man of the Year awardee sa National Basketball Association (NBA), maoy midaog sa panagtigi.
Apan dihang nadawat na ni Clarkson ang iyang ganti, iyaha kining gihatag ngadto sa usa sa mga sakop sa Gilas utility staff.
Dili kini maoy labing unang higayon nga naghisgot ang Gilas sa pagkamanggihatagon sa usa sa mga pambato sa Utah Jazz. / ESL