Alang ni Team USA Fil-Am assistant coach Erik Spoelstra, usa ka dakong hagit alang sa ilang batan-ong puwersa ang paghamag sa FIBA Basketball World Cup nga sugdan karong Agusto 25, 2023.
Hinuon giklaro ni Spoelstra nga andam ang ilang ginsakupan ning maong misyon sa matag upat ka mga tuig nga kompetisyon diin co-host ang Pilipinas kauban ang Japan ug Indonesia.
“We feel like we’re ready,” matod ni Spoelstra nga napatik sa www.abs-cbnnews.com.
“But we understand how challenging it is. These are the best countries in the world, and it’s truly become a global game. In every region of the world, the popularity is incredible.”
Ang 12-man roster sa Team USA adunay 24.5 average nga edad diin si Paolo Banchero, 20, maoy labing batan-on samtang ang parehong 28 anyos nga sila si Josh Hart ug Bobby Portis ang labing edaran.
“It’s a big challenge. We’re up against countries that have been together for years, and we’re trying to put together a team,” dugang ni Spoelstra.
Ang Team USA mobangon og suway gikan sa mangil-ad nilang kampanya sa miaging edisyon sa kompetisyon diin igo lang silang nahiluna sa ikapito. / ESL