Nalambigit sa gubot sa Talisay basketball suspendido

Nalambigit sa gubot sa Talisay basketball suspendido

Gipangsuspenso sa Kagam­hanan sa Dakbayan sa Tali­say ang mga magduduwa nga nangahilambigit sa ka­gubot ug sinumbagay atol sa ilang Mayor’s Cup basketball tournament.

Gipangtumbok mao sila si Kian Cabuenas ug Mark Clarence Hernaiz nga mao ang nagdugkat sa kasamok nga nahitabo atol sa duwa sa Barangay Lagtang batok Barangay San Isidro niadtong Agusto 20, 2023.

Si Talisay City Mayor Gerald Anthony “Samsam” Gullas nagkanayon nga dili na mausab ang desisyon sa sports commission sa Dakbayan nga suspensuhon ang nangahisgutan sulod sa duha ka seasons o hangtod sa Mayors Cup 2024.

Gipahibawo ni Gullas nga gi­patawag ang mga nangahi­lambigit ug giingong nagkasabot na kini sa maayong paagi.

Sila si Cabuenas ug Clarence mao usab ang pabayron sa medical expenses sa napurohan atol sa kagubot nga si Adrian Toring hangtod kini maka-recover.

“Ang tulo together with their coaches, parents, guardians and barangay representatives met at our office for a meeting with the city sports commission concerning last Sunday’s incident,” matod ni Gullas.

“Nalipay lang ko that the three players involved in the brawl during the opening game of this year’s Mayor’s Cup last Monday have settled their differences.”

Apan gikinahanglan giha­pon nga atubangon sa mga sad-an ang silot kanila.

Lakip na niini mao ang pagbayad sa penalty nga P5,000.

“The sanctions will serve as a lesson to the two players and a warning for those who are playing this season. We don’t tolerate violence in our tournaments,” matod ni Gullas. / ANV

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph