Ang kanhi babaye nga hepe sa kapulisan sa dakbayan sa Danao sa amihanang Sugbo gitudlo nga bag-ong direktor sa Mandaue City Police Office (MCPO).
Si Police Colonel Maribel Getigan maoy nipuli sa posisyon ni kanhi MCPO chief, Police Colonel Jeffrey Caballes, kinsa ibalhin sa Legislative Division sa Police Regional Office Central Visayas (PRO 7).
Ang turnover of command ceremony gipahigayon sa MCPO headquarters sa Barangay Centro sa Biyernes sa buntag, Agusto 25.
Kini gisaksihan ni PRO 7 Director Brigadier General Anthony Aberin. (HIC)