Kon adunay pinakasikat ug pinakadaghan nga fans sa international players sa nagpadayong 2023 FIBA Basketball World Cup sa Manila, wa nay lain kundi ang Los Angeles Laker guard nga si Austin Reaves.
Nisulbong ang popularity ni Reaves tungod sa gipakita niini sa uwahing season National Basketball Association (NBA) diin dako ang iyang tabang kang Lebron James, Anthony Davis ug tibuok Lakers team aron maabot sila sa Western Conference Finals.
Tuod man mas na klaro ang popularidad ni Reaves sa pag-debut sa USA Team batok New Zealand sa Mall of Asia (MOA) Arena.
Nadawat ni Reaves ang pinakakusog nga cheer sa jam-packed crowd ug grabe pud ang reaction sa fans kon makadawat na kini og bola ug makapuntos alang sa Team USA.
Sa pag-introduce pa lang sa venue barker kang Reaves, grabe na ang reaksiyon sa fans.
Ang biyahe ni Reaves padulong sa NBA usa ka inspirasyon kay bisan wala kini mapili niadtong 2021 Rookie Draft, nagpadayon kini sa pagkugi hangtod nasulod siya sa Los Angeles Lakers dayon nahatagan og higayon nga mopakita sa iyang abilidad.
“I kinda seen it coming. I was talking to Phil Handy and he was telling me they love the Lakers out here,” matod sa 25-anyos nga si Reaves human gipilde sa Team USA ang New Zealand.
“It’s special for me from a super small town obviously. Not a lot of people expected me to be here representing the country. For them [Filipino fans] to accept me the way they accept me means a lot to me,” dugang niini. / RSC