Dul-an sa 2,000 ka tawo ang apektado sa bagyong Goring

Dul-an sa 2,000 ka mga tawo o 551 ka mga pamilya ang naapektuhan sa naglungtad nga super typhoon Goring (Saola), sumala sa Natio­nal Disaster Risk Reduction and Manage­ment Council (NDRRMC) sa Dominggo, Agusto 27, 2023.

Sa usa ka situational report, ang NDRRMC nagkanayon nga 832 ka mga tawo o 213 ka mga pamilya ang anaa sulod sa evacuation centers sa pipila ka mga barangay sa Ilocos ug Cagayan Valley. Mga 265 ka tawo, o 78 ka mga pamilya ang naa sa gawas sa mga evacuation center.

Matod pa niini nga ang gikinahanglan nga tabang ang gihatag sa apektadong mga indibidwal.

Ang disaster bureau nagka­na­­yon nga lima ka mga lugar ang gikataho nga gibahaan sa Ilo­cos region. Aduna usay mga taho nga adunay pagkaputol sa kuryente sa Cagayan ug Isabela.

Mokabat sa P40 milyunes ang danyos sa imprastraktura sa Cagayan Valley.

“We are still yet to receive the official reports from our regions on the details of the effects, but as of now, no casualties are reported as of reporting time,” matod ni Office of Civil Defense (OCD) Joint Information Center head Diego Agustin Mariano ngadto sa mga tigbalita pinaagi sa Viber message.

Si Goring nahimong super typhoon sugod sa Dominggo, Agusto 27, diin ang tropical cyclone wind signals gipataas sa nagkalainlaing lugar sa extreme northern Luzon, partikular na sa Ilocos ug Cagayan Valley.

Ang Philippine Atmosphe­ric, Geo­physical and Astronomical Ser­vices Administration (Pagasa) ni­ingon nga si Goring hapit na mo­hunong sa pagsugod niini sa iyang loop sa Philippine Sea sila­ngan sa Cagayan-Isabela area Domingo.

“The Southwest Monsoon enhanced by Goring will bring occasional or monsoon rains over the western portions of Central Luzon, Southern Luzon, and Visayas over the next three days,” sumala sa Pagasa. / SunStar Philippines