Klay mibisita kang Pacman

LAHI NGA SPORT: Nagduwa og chess sila si Klay Thompson (wala) ug Manny Pacquiao sa balay mismo sa eight-division world champion. /GIKAN sa Facebook page ni Manny Pacquiao
LAHI NGA SPORT: Nagduwa og chess sila si Klay Thompson (wala) ug Manny Pacquiao sa balay mismo sa eight-division world champion. /GIKAN sa Facebook page ni Manny Pacquiao

Nag-abot ang duha ka living legends sa paugnat sa kusog sa pagbisita ni four-time National Basketball Association (NBA) champion Klay Thompson kang eight-division world boxing champion Manny Pacquiao.

Ang pambato sa Golden State Warriors nga si Thompson niadto sa panimalay ni Pac­quiao sa Forbes Park, Ma­kati City, kuyog ang iyang team­mate nga si Kevon Looney.

Gi-post ni Pacquaio sa Sabado, Septiyembre 2, ang mga hulagway sa ilang panagtagbo sa opisyal nga Facebook niini nga adunay caption: “Thank you Klay Thompson and Kevon Looney for the visit. Welcome back to the Philippines.”

Sa maong pagbisita, nagduwa pa og chess si Pacquiao og Thompson.

Pag-abot pa lang ni Thompson sa nasod gipadayag na niini nga dako siya nga fan sa Filipino boxing icon.

Wa gyud usiki ni Thompson ang higayon nga iyang masuroy si Pacquiao sa iyang balay.

“I’m such a fan of Manny Pacquiao, I’ve watched him box my whole life. He’s one of my favorite athletes,” matod ni Thompson.

Dugang niini nga mitan-aw gyud siya sa mga fights ni Pacquaio.

“To hang out and see him train was very special,” matod niya.

Anaa sa Pilipinas si Thompson ug Looney alang sa ANTA Squad Asia Tour 2023. Naabot sila niadtong Agusto 31 sa Manila.

Lakip sad sa giari ni Thompson ang ANTA Shock The Game-­Philippines 2023 Natio­nal Finals sa SM Mega­mall Fashion Hall niadtong Huwebes.

Mag-launch pud si Thompson sa iyang latest basketball sneaker, ang KT9, sa bag-ong abli nga ANTA Basketball Store sa SM Aura.

Apil pud si Thompson sa Shooter 11-Camp, nga mag-­feature sa mga atleta sa Phi­lippine Basketball Association (PBA), University Athletic Association of the Philippines (UAAP) ug National Collegiate Athletic Association (NCAA).

Nailhan si Thompson sa NBA isip three-point shooter ug gitawag ang duo nila ni Stephen Curry nga “Splash Brothers” sa Golden State Warriors.

Nahimong NBA champion si Thompson kaupat ka higayon, niadtong 2015, 2017, 2018 ug 2022.

Apil sa iyang mga nakab-ot mao ang pagkapili nga 5-time All-Star sa tuig 2015 ngadto 2019. / RSC

Trending

No stories found.

Just in

No stories found.

Branded Content

No stories found.
logo
SunStar Publishing Inc.
www.sunstar.com.ph