Ang Department of Social Welfare and Development (DSWD) Field Office 7 sa pakigtambayayong sa local government unit sa dakbayan sa Sugbo nipahigayon og orientation workshop alang sa 376 ka Risk Resiliency Program beneficiaries (RRP) niadtong Agusto 24-25, 2023.
Kini nga mga benepisyaryo motrabaho sa “Gubat sa Baha: Limpyo ug Bantay sa Sapa” nga proyekto diin gilauman nga ilang limpyuhan ug ibalik ang normal nga kahimtang sa mga suba sa Guadalupe, Kinalumsan, Mahiga, Butuanon, Lahug, ug Estero de Parian.
Magtinabangay sila sa pagpauswag sa kahimtang sa mga suba pinaagi sa dredging, paglimpyo, ug paghimo sa nagkalainlaing mitigation measures sulod sa labing taas nga napulo ka adlaw diin sila mabayran og 100% sa regional daily work wage nga P435.
Una niini, gipatuman na sa DSWD Field Office 7 ug LGU Cebu City ang samang proyekto alang sa Tagunol Creek ug Bulacao River, nga adunay 128 ka RRP graduated beneficiaries.
Ang mga benepisyaryo giila nga kabos sa Listahanan ug gi-verify sa LGU Cebu City’s Department of Social Welfare and Services, nagpuyo duol sa suba nga duol sa mga katalagman o kalamidad. / RRM gikan sa PR