Wa pay usa ka semana human gisirad-an ang Certificate of Candidacy (COC) filing period, 130 ka mga kandidato sa Barangay and Sangguniang Kabataan Elections (BSKE) ang nag-atubang og posibleng disqualification.
Sa datos sa Commission on Elections (Comelec), nagpakita nga 130 ka mga petisyon ang nasang-at atubangan sa poll body, sukad niadtong Septiyembre 7, 2023.
Ang maong gidaghanon naglakip sa 43 ka docketed petitions nga gisang-at batok sa barangay ug youth bets.
Lakip sa mga docketed nga kaso mao ang pito ka petisyon sa pagdeklarar isip nuisance candidates, 23 ka petisyon sa pag-deny sa angay nga kurso/pagkanselar sa COCs, ug 13 ka petisyon sa disqualify.
Aduna usay 87 ka undocketed nga petisyon nga gisang-at, o kadtong adunay soft copy sa mga petisyon apan walay hard copy ug wala pay bayad sa filing fees.
Apil niini ang unom ka petisyon sa pagdeklarar isip nuisance candidates, 59 ka petisyon sa pagsalikway sa due course/pagkansela sa COCs, ug 22 ka petisyon sa pag-disqualify.
“We expect more to be filed,” matod ni Comelec spokesman John Rex Laudiangco sa usa ka televised public briefing.
Ubos sa lagda sa Comelec, ang mga petisyon batok sa usa ka kandidato mahimong ipasaka hangtod sa lima ka adlaw human sa pagpasaka sa ilang COCs.
Niadtong Septiyembre 4, opisyal nga gisira sa Comelec ang COC filing period alang sa BSKE sa tibuok nasod.
Adunay kinatibuk-ang 1,414,487 ka mga COC nga na-file sa mga kandidato sa barangay ug kabatan-onan sa tibuok nasod. / HDT sa SunStar Philippines