Kadto lang matawagan sa Department of Trade and Industry (DTI) nga retailers ug sari-sari vendors ang makadawat og ayuda karong adlawa, Huwebes, Septiyembre 14, 2023, tungod sa epekto sa ilang negosyo sa Executive Order (EO) 39 ni Presidente Ferdinand Bongbong Marcos, nga nagpatuman sa price ceiling sa regular ug well-milled rice.
Ang pundo sa Sustainable Livelihood Program (SLP) sa Department of Social Welfare and Development (DSWD) maoy kuhaan sa maong ayuda nga iapud-apod sa Carbon Public Market, Cebu City; Consolacion Public Market ug sa Lungsod Minglanilla.
Ang ahensya sa social welfare niila sa 87 ka mga kwalipikadong benepisyaryo alang sa inisyal nga cash assistance alang sa mga small-scale rice retailers sa Central Visayas. / KJF
