POLITIKA ang gituohang motibo nga gilantaw sa mga awtoridad sa pagpatay sa laing kandidato alang sa Barangay and Sangguniang Kabataan Electionw alas 4:00 sa hapon, Martes, Septyembre 12, 2023.
Giila ang biktima nga si Tayan Mamalinta, United Bangsamoro Justice Party (UBJP) chapter head sa Barangay Pandag, Pandag, Maguindanao del Sur.
Gibutyag ni Sultan Kudarat Police Provincial Office Director Colonel Christopher Bermudez nga sakay ang biktima sa iyang motorsiklo sa dihang nahitabo ang pagpamusil sa national highway sa President Quirino, Sultan Kudarat.
Sumala pa nga duha ka mga suspek nga wala mailhi ang mibutho ug mirapido kaniya ug dayong sibat paingon sa direksiyon sa Tacurong City.
Patay on the spot ang biktima nga naigo sa ulo ug likod nga parte sa lawas.
Giingong ang biktima magpapili isip barangay kagawad sa Barangay Pandag, Pandag, Maguindanao del Sur.
Padayon pang nag-imbestiga ang kapulisan sa President Quirino Municipal Police Station nga gipangulohan ni Major Davis Dulawan sa maong hitabo